لكل عنوان انسان
لكل عنوان انسان
هجرت كل مكان بعد ما فقدتك
وبقيت اتذكر لحظات عني ما تغيب
ذكراك في العقل محفوره بنظرتك
والقلب متوجع من فرقاك وبلهيب
باكثر من مكان ظهرتلي وقد شفتك
والحين باخر مكان ظهرت يالحبيب
يمكني من بعيد شفتك وما دفنتك
واحساسي تترجم للكثير بعجيب
ما بخلت بحقك وبذهني رسمتك
وقلبي يسامحك دوم ودوم اسيب
مرت ايام وشهور وشفتني انعشتك
ولقيتني الهف لهفة محروق مجيب
ادري ان علاقتي بك مهي من صلبك
وحسيتك في دار الحق شكلك غريب
مرحومنا في من قسوته تجاري قسوتك
وأفعاله بس تزيده حب بالقليب
باقي ما عرف قسوتك تحن بشدتك
حتى وان شديت قلبك حنون وطبيب
قصيدي اليوم لاني شفت جلستك
وتذكرت رحمتك لشخص منه العيب
ما عرفت وش تبي وناظرتني بنظرتك
وحسيتك تقولي سعيد هذا نصيب
قمت متألم وقلبت ظهري لمكتبك
لجل اكمل مسيره ولهدفك اصيب
وبالفعل نفذت شبيه شبه شبتك
ودعيتلك دعاء يحفظك بظهر الغيب
ربي يرحمك ويرحم ابوك وبركتك
وربي يجعلك عن الحساب تغيب
لنفس المكان كلنا بنكون بنفس قبرتك
ويا نتعظ يا نزيد في الناس تعذيب
الله يعين الباقين ويشافي من بطنتك
ويجعل الجنه حليفكم وبدون ترتيب
كنت اخ كبير ولو تصايحنا انا بزرتك
تبقى الكبير وربي يرحمك يالذيب
ما قصرتوا كلكم وربتني عشرتك
وربتني ظروف بوقت فعلا عصيب
ياربي يامالك الملكوت كلنا بعصمتك
اغفرلنا ذنوبنا جميعا ولهفواتنا تذيب
وسلامتكم
اهداء خاص
س.م.ع
تعليقات
إرسال تعليق